Америкийн Нэгдсэн Улсын Элчин Сайдын Яамны Батлан хамгаалах атташейн гишүүд Архангай аймагт ажиллаж, Засаг дарга Д.Золжаргалтай танилцах уулзалт хийлээ. Уулзалтад Иргэн цэргийн Дэмжлэгийн бүлгийн ахлагч, Ахмад Колин Аткинсон өөрийн багийн хамт оролцов. Уулзалтын эхэнд хамтран ажиллах санал, зорилгоо танилцуулж, Архангай аймаг ба Америкийн Нэгдсэн Улсын Элчин Сайдын Яам хоорондын харилцааг бэхжүүлэх, ойрын хугацаанд аймагт хэрэгжих үйл ажиллагааны талаар хэлэлцэж , санал бодлоо солилцов. Иргэн цэргийн Дэмжлэгийн бүлэг нь АНУ-ын Элчин сайдын яамнаас Монгол улсын боловсрол, эрүүл мэндийн салбарууд болон хөгжил дэвшилд зориулах хүчин чармайлтын хүрээнд Архангай аймагт хэд хэдэн ажил төлөвлөн, хамтран ажиллана гэдгээ илэрхийлсэн юм.